Hilabete honetan On Jose Mariaren hainbat hausnarketa jasotzen ditugu, LANAri buruzkoak, GOGOETAK liburuxkan zein COOPERACIÓN  aldizkarian jasotakoak, guztiak ala guztiak gure Kooperatiba Esperientziaren lehen urteetan idatzitakoak. Mounier pentsalari pertsonalistarekin gogoraraziz lanak pertsona nobletzen duela, behin eta berriz esango digu lanean etsenplua eman behar dugula eta lana humanizatu.

Behar dugun iraultzak lanean oinarritu behar du, ez mitoetan; batasuna lortu behar dugu, egian bermatuz eta sekula ere ez ge­zurrean, hipokrisian eta hutsegitean. Badira korronte batzuk, «kontsumitzen duen kontsumo gizartea» helburu, ongizate mate­rial hutsaren bidez drogatzen ahal gaituztenak, non gizakia gau­za gisa kotizatzen den eta ez pertsona gisa; korronte horiei eran­tzuten die, gure artean, mugimendu kooperatiboak, pertsona gisa parte hartu eta jardutera deituz eta lagunduz. Eta pertsonak garen aldetik, gure ekimena, erantzukizuna eta gure sormena erabiltzen ditugu sorkuntzarako eta lanerako lehenengo zelula edo organis­motik abiatuz, hau da, enpresatik abiatuz. Hala, ekonomia eralda­tzeko jarrera berri bat abiarazi ahal izango dugu eta antolamendu sozio-ekonomiko berri bat sortu, gizakiaren duintasunarekin eta giza komunitateen eskakizunekin koherentea izango dena. p381

Beste gogoeta batzuk (Ikusi pdf dokumentua)