Arizmendiarrietak kultura eta hezkuntza lotzen zituen eta pertsona baten eta herri baten oinarriak zirela esaten zuen. Gizartea eraldatzeko eta demokratizatzeko eta pertsona askatzeko kultura eta hezkuntza guztiengan zabaltzea behar-beharrezkoa zela zioen.
Jakintza boterea da eta boterea demokratizatzeko aldez aurretik jakintza sozializatu beharra dago. Ez dugu ezer egiten eskubideak aldarrikatuta gero eskubideak onartu dizkiegun gizakiak beren burua administratzeko gai ez badira, zerbait egin ahal izateko ezinbesteko diren gutxi batzuengana jotzea baino ez badute. p193
