2021ean, proiektu garrantzitsu hori amaitu da; xede honekin: alde batetik, MONDRAGONeko bazkide kooperatibistei bizi duten errealitate globala erakutsi nahi zaie, eta ez beren ingurune zehatzarena bakarrik, eta, bestetik, batzuetan azaleratzen ez diren Esperientzia Kooperatiboaren alderdi asko kanpoan ezagutarazi nahi dira.

Urteko lehen hilabeteetan, ALEk egindako lanaren ondorioz, “SUSPERTZEN. Ispilu kooperatiboa” liburua argitaratu da, MONDRAGONeko kooperatibismotik oso gertu dauden Elkarteko bazkide batzuen hausnarketaren fruitua, ideiak, gogoetak eta datuak emateko, Euskal Herrian azken mendean sortu diren errealitate interesgarrienetako bat indartzen laguntzeko. Kontua ez da soluzioak edo errezetak ematea, baizik eta hausnarketan laguntzea, inertziari jarraitu gabe, ondoren gehiago sakontzeko lanei atea irekitzeko.

Horren berri emateko asmoz, gure Zuzendaritza Batzordeak MONDRAGON Korporazioko estamentuei eta gure bazkide guztiei liburua bidaltzea erabaki du, eta aurki jasoko dute.

Javier Sotilek, lanaren liderrak, maiatzaren 19an egingo den gure Ohiko Batzar Nagusiaren amaieran emango duen hitzaldian emango dizkigu proiektuaren gakoak.