Konbentziturik krisi garaietan ikusten dela ondoen lankidetzaren eta parte hartzearen birtualtasuna, Arizmendiarrietaren Lagunen Elkarteko 320 bazkideek –36 enpresa eta 270 enpresa fisiko, gehienbat Mondragon Taldeko profesional eta zuzendari erretiratuak– beren ahalmen eta know how guztia kausa bateratu baten alde jarri dute: Arrasateko esperientzia euskal enpresen sarera hedatzea, EAEko gainerako enpresei euskal talde kooperatibista mundu mailako kasu arrakastatsua izatera eraman duten gestioaren eta antolamenduaren oinarriak helarazteko, bere esperientzia lagungarria izan dadin eredua aldatu nahi duten enpresentzat eta horretarako bideak aurki ditzaten. “Asmoa ez da enpresa tradizionalak kooperatiba bihurtzea: aitzitik, asmoa da kooperatibismoaren zein alderdik lagun diezaieketen arazo bat konpontzen edo lehiakortasuna handitzen”, Euskadiko Kutxako zuzendariorde ohia eta gaur egun Elkarteko kidea den Juan Manuel Sindek azaldu duenez.
Elkartea lankidetza sakonean lan egiten du Taldeko enpresekin, enpresa elkarteekin, unibertsitate eta erakundeekin eta, zenbait batzorderen bitartez, hainbat proiektu abiarazi ditu, batzuetan Jose Maria Arizmendiarrietaren legatu humanista berreskuratzeko eta kontserbatzeko, eta, beste batzuetan, enpresa formula berriei edo formula kooperatiben birformulazio posibleei buruzko hausnarketa bultzatzeko. Elkarteko diruzaina den Miguel Angel Laspiurren hitzetan, “konbentziturik gaude kultura berezia dugula, eta lankidetza bidezko eredua dela, konfrontazioaren ereduarekin alderatuta, alternatibarik eraginkorrena krisitik ateratzeko eta, gainera, merkatu globalean lehiakorragoak izateko”.
Ildo horretan, elkartetik Arizmendiarrietaren ideiak aprobetxatu nahi dira Lanbide Heziketako eta batxilergoko ikasgeletatik hedatzeko; kooperatibetako zuzendari eta profesional erretiratuen gestio ahalmena eta esperientzia bideratu nahi da, GKE-ei, ekonomia sozialeko enpresei eta enpresen eta oro har erakundeen proiektu bereziei irabazi asmorik gabe laguntzeko; eta hala nahi duten sozietate anonimoetan gestio eredu berriak bultzatu nahi dira, langileek parte hartzeko irekiagoak, bai jabetzari dagokionez, bai konpainiaren erabakiei edo emaitzei dagokienez, bai aldi berean hiru eremuei dagokienez.
Orain arte, hainbat lan talde operatiboren bitartez, Elkartea jada Ezagutzaren eta Industriaren sektoreetako Gipuzkoako hamabost enpresarekin ari da lanean, zeinek langileek partaidetza handiagoa izango duten gestio ereduetara aldatzeko interesa duten. Gero eta indar handiagoa hartuko duen mugimendu baten aitzindariak dira.