Joan den astean Gaztela-Mantxako Unibertsitatean Ekonomia Sozialeko Masterra egiten ari diren Latinoamerikako hainbat herrialdetako (Argentina, Ekuador, Txile…) 21 pertsonako talde batek ikastaro bat egin zuen Otaloran, gure Esperientzia Kooperatiboa ezagutzeko.
Testuinguru horretan, kontuan hartuta horietako batzuek euren herrialdeetan kreditu kooperatibetan lan egiten dutela, saio bat eman zen Laboral Kutxaren historia, etapa bakoitzean garapen kooperatiboan izan duen rol funtsezkoa eta iraganeko hainbat momentutan zein gaur egun duen orientazio estrategikoa luze eta zabal azaltzeko.
Juan Manuel Sindek, Elkartearen izenean, saioan parte hartu zuen, eta hitzaldiaren ondoren sortu ziren galdera ugariei erantzun zien.
Argazkian, Mikel Lezamiz aipatutako saioaren sarrera egiten.
