2015. urtean 100 urte beteko dira Jose Maria Arizmendiarrietaren jaiotzatik. Esperientzia Kooperatiboaren sustatzailea izan zenaren gertaune batzuk gogora ekarriko ditugu.
Horrenbestez, 1962 inguruan, Heziketaren aldeko teman beste urrats bat egitea erabaki zuen, eta bere irudimen oparoan Eskola Politeknikoa sorrarazi zuen, Arrasateko Iturripeko lursailetan 40.000 m² baliatuta, Oñatiko Unibertsitateko Eskola Mankomunitatearen (MEDUO) hastapenetan. Honela zioen: Gipuzkoak unibertsitate bat sortu dezake bere herri barreiatuetan, baso-zelaietan murgilduta, ongi komunikatuta. Gaur egun, Arrasate, Eskoriatza, Oñati, Irun, Aretxabaleta eta Ordiziaren artean gauzatuta dago haren nahia, 1997an Eusko Jaurlaritzak MU-Mondragon Unibertsitatea onartu zuenetik.
