Giza izaerak, errealitate berriei aurre egitearen beldur agian, iragan oro izan zela hobe diosku, baina hori ez da hola. Belaunaldiz belaunaldi birus hilgarri baten antzera mezu ilun bat zabaltzen duen ameskeria bat baino ez da: ez zaitezte saiatu, ez egin ahaleginik.
Hala ere, arau orok du bere salbuespena, eta horixe da gurea, kooperatibista gazteen alternatiba gazte, fresko eta sortzailea; alegia, dena berrasmatu eta ez konformatzea erabaki duten gazteak, ezarrita dagoenaren, status quo-aren eta erosotasunaren kontra aurrera egitea erabaki dutenak… gizarte bidezkoago, zuzenago eta, ingurumen, gizatasun eta ekonomia arloan, sostengarriago baten alde: gizarte hobea, mundu hobea. Gure lanaren bitartez libreak, autokudeatuak eta zoriontsuak izatea erabaki dugun pertsonak.
