Gaur, JUSTIZIAren inguruan hausnartu nahi dugu, betiere kontzeptu globala eta intelektuala errespetatzen saiatuz, inongo ideia politikoren apriorismorik gabe eta oportunismo mediatikorako asmorik gabe.
- Lehenengo helburua da Arizmendiarrietak Justiziari buruz oro har eta bere pentsamenduaren bidez egiten duen gogoeta gogoratzea, egungo gizartean Justiziari buruz dagoen pertzepzioaren iritziak jasotzea. Egitura judizialak JUSTIZIA NOLA ADMINISTRATZEN duen, gaurkotasun handiko gaia da. Beharrezkoa da, subjektiboa bada ere, pentsamendu arizmendiarretatarretan sakontzea, gaur egun aplika daitezkeen gidalerroak identifikatzeko: hori izango da gure ekarpena hausnarketa hauetan.
- Bigarren helburua da egiazki independentetzat jotzen dugun JUSTIZIA ADMINISTRAZIOAZ hausnartzea, izan ere, organo Legegileak eta Betearazleak ez lukete kutsatu edo baldintzatu behar; gaur egun, ordea, gure iritziz, gizarteak uste du independentzia maila hori nabarmen hondatuta dagoela.
Baina has gaitezen hausnarketa hauek Arizmendiarrietaren “gogoetak” gogoratuz, bere idatzietatik ateratakoak (Cooperacion, TU Lankide…).
- Ongiaren eta gaizkiaren aurrean, bidezkoaren eta bidegabekeriaren aurrean, ez da onartzen zalantzarik izatea. (p123)
