Bihar, azaroak 4, Isabel Uribek eta Armin Isastik idatzitako liburua aurkeztuko da jendaurrean, gure Elkarteak MONDRAGONekin eta Laboral Kutxarekin lagunduta babestuta.

Idazleen arabera, liburua elkarrizketa biografia bat da, eta xedea da Arrasateko Esperientzia Kooperatiboaren figura giltzarrietako bat gogoraraztea: Jose Mari Ormaetxea, Don Jose Maria Arizmendiarrietaren dizipulu aurreratua. Liburuaren edukian kooperatibismoaren eta Euskadiren ondare den bizitza eta historia bat dokumentatzen da. Aldi berean, begirunea eta miresmena adierazi nahi izan dute liburuan, lanean apalki hasi ziren eta elkarlanean utopia errealitate bihurtzen lagundu zuten gizon eta emakumeei buruz, ezezagunak baitira, eta ez baitzaie aitortzarik adierazi. Hori dela eta, gaur egungo gizarte ahanzkor honetan, gauzak berez egin direla uste duen honetan, memoria berreskuratu behar dela gaineratu dute.

Aurkezpena goizean egingo da Donostiako Koldo Mitxelenan, hedabideei zuzendutako prentsaurreko batekin. Eta arratsaldean, 18:00etan, Laboral Kutxak Arrasaten duen egoitza nagusian, edukiera mugatuta, liburua aurkeztuko zaie MONDRAGONeko kooperatibetako ordezkariei, Ormaetxearen senideei eta beste gonbidatu batzuei.

Arratsaldeko ekitaldia streaming bidez jarraitu ahal izango da www.tulankide.com helbidean.