Musikala

Elkarteak Arizmendiarrietaren pentsamenduaren balioak enpresan eta gizartean aplikatzea bultzatzeko duen helburuarekin bat eginez, HAZIA musikalak Jose Maria Arizmendiarrieta Arrasateko Esperientzia Kooperatiboaren sortzailearen bizitza aparta kontatzen du, eta belaunaldien inspirazio izaten jarraitzen duen justizia sozial, elkartasun eta lanaren duintasun legatua erakusten du.

Proiektua 2019ko erdialdean hasi zen, ALEk sustatuta, musikalaren gidoilaria eta zuzendaria Gontzal Mendibil izanik, eta MAXMA Producciones ekoizlea; pandemiaren ondorioz, ordea, lehen eszenaratzea 2022ko irailaren 17an egin zen Arrasaten, eta ondoren 2022ko irailaren 18an, hura ere Arrasaten, urriaren 1ean Bilbon, azaroaren 26an Donostian, abenduaren 17an Gasteizen eta 2023ko apirilaren 22an Markinan. Ikuskizunaren arrakasta eztabaidaezina izan zen. Kritika bikainak jaso zituen, eta ikusleak hunkitu zituen, zeinek, zutik jarrita, eszenatokian zeuden artistei txalo zaparrada trinko eta luzea eskaini zieten.

Publikoa gerra ostera eraman zuen eszenografia berritzaile batekin, Arrasateko Esperientzia Kooperatiboaren sorrera bizi ahal izan zen, euskal soinu tradizionalak osagai garaikideekin uztartuta, erro, ahots, bizitza eta leku jakin batetik sortzen diren istorioak kontatuz eta kantatuz, egungo erronken durundan barneratzen den itxaropen istorio bat bizitzeko.

HAZIA musikalak lana giza balioetatik birpentsatzera gonbidatu gintuen, testuinguru berrietan espiritu kooperatiboa sustatuz, eta, obraren bidez, Arrasateko Esperientzia Kooperatiboa ulertzeko funtsezkoa izan den figura ohoratu da: Arizmendiarrieta.

Musikalaren bidez helarazitako legatua jasota uzteko, 2023an pack bat osatu zen, HAZIAren inguruko liburu bat, eszenen gidoia, emanaldietako hainbat irudi, disko trinko bat eta Bilboko Arriagan euskaraz eta gaztelaniaz grabatutako musikalaren bideo bat duen pendrive bat biltzen dituena.